Выйшла новая кніга пра гродзенскія гістарычныя могілкі
Гродзенская фатографка і пісьменніца Святлана Несцярэнка выдала сваю ўжо другую гістарычную кнігу пра гродзенскія могілкі, піша тэлеграм-канал Hrodna 11:27.
Кніга «Гродненские ангелы. Гродненский католический некрополь» расказвае пра каталіцкую частку старых гродзенскіх могілак. Выдадзеная амаль два гады таму першая кніга расказвала, адпаведна, пра праваслаўную частку пахаванняў.
Прэзентацыя новага выдання прайшла ў капліцы на могілках 15 красавіка. Асобнікаў кнігі зусім няшмат, наклад сціплы.
Святлана Несцярэнка — вельмі актыўная гродзенка. Акрамя дзвюх кніг пра могілкі і гістарычнага рамана пра графа Міхала Валіцкага, яна таксама рабіла фота для апошняга выдання «Біяграфіі вуліц» і здымала кафляныя печы ў гродзенскіх камяніцах для магчымага будучага іх каталога.
Чытайце таксама:
У Гродне выйшла кніга пра авантурыста, які купіў палац у цэнтры горада за картачны выйгрыш
Выйшла кніга пра ўсе старажытныя дамы Гродна
На Новым замку ў Гродне адшукалі падмуркі старажытнага храма, падобнага па архітэктуры да Каложы