Дырэктар мясакамбіната ўзяў хабар на амаль 9 тысяч еўра «за лаяльнасць»
Генеральная пракуратура накіравала ў суд крымінальную справу супраць кіраўніка аднаго з буйных мясакамбінатаў Брэсцкай вобласці і дырэктара прыватнай кампаніі.
Здымак ілюстрацыйны. Фота: «Наша Ніва»
Паводле версіі следства, з красавіка 2024 па красавік 2025 года кіраўнік мясакамбіната нібыта атрымаў ад прадпрымальніка больш за 8,8 тысячы еўра ў некалькі этапаў. Перадача грошай адбывалася падчас службовых камандзіровак у Мінску і Маскве — у гатэлях і рэстаранах.
Следчыя сцвярджаюць, што гэтыя сродкі былі «ўзнагародай за лаяльнасць»: за заключэнне дамоў на пастаўку харчовых дабавак дзяржаўнаму прадпрыемству, своечасовыя разлікі і агульнае супрацоўніцтва.
На маёмасць абвінавачаных коштам больш за 200 тысяч рублёў накладзены арышт. Кіраўнік мясакамбіната знаходзіцца пад вартай, а прадстаўнік прыватнай кампаніі — пад падпіскай аб нявыездзе і належных паводзінах.
Чытайце таксама:
Агракамбінат «Дзяржынскі» паглынуў Слуцкі мясакамбінат
Дзмітрый з Альшан раскрытыкаваў бярозаўскую тушонку. У адказ яму многае патлумачылі
Чаму цяперашняя тушонка захоўваецца толькі 2 гады, а ў савецкія часы ў разы даўжэй?
Дырэктарка мясакамбіната расказала, як трэба правільна наразаць каўбасу