Зяленскі падвёў вынікі двухдзённых перамоў у Жэневе
18 лютага ў Жэневе завяршыліся перагаворы па спыненні вайны, удзел у якіх бралі Украіна, Злучаныя Штаты Амерыкі і Расія. Станам на сёння нельга сказаць, што вынік сустрэч з’яўляецца дастатковым. Пра гэта сказаў прэзідэнт Украіны Уладзімір Зяленскі ў сваім вячэрнім відэазвароце.
Уладзімір Зяленскі. Скрыншот з відэа
Па словах Уладзіміра Зяленскага, сустрэча вайскоўцаў была сур’ёзнай і змястоўнай. У той жа час палітычная група абмеркавала адчувальныя пытанні.
«Пытанні пра магчымыя кампрамісы і неабходную сустрэчу лідараў яшчэ не апрацаваныя дастаткова. Разлічваем на наступную сустрэчу, і было б правільна [правесці яе] яшчэ ў лютым. Важна, што прысутнічалі еўрапейцы — Францыя, Брытанія, Германія, Італія, Швейцарыя як бок, які прымае», — заўважыў прэзідэнт Украіны.
Ён падкрэсліў, што Еўропа павінна быць удзельніцай перамоваў, і Украіна заўсёды прасоўвае гэтую пазіцыю.
Асобна Зяленскі адзначыў, што ставіў задачу дэлегацыі абмеркаваць гуманітарны трэк:
«Патрэбныя абмены ваеннапалоннымі, вызваленне цывільных. Мы па кожным чалавеку шукаем інфармацыю і заўсёды працуем на тое, каб вярнуць сваіх — вярнуць украінцаў дадому. Кожны абмен мае значэнне».
Чытайце таксама:
Прадстаўнікі Украіны і Расіі сустрэліся асобна пасля завяршэння трохбаковых перамоў у Жэневе
Уіткаф пасля перамоў у Жэневе заявіў аб велізарным прагрэсе
Зяленскі даручыў украінскай камандзе на перамовах арганізаваць сустрэчу з Пуціным у Жэневе
У Жэневе пачаўся новы раўнд перамоў паміж Украінай, Расіяй і ЗША