У Светлагорскім раёне кароў на ферме патруцілі ўгнаеннямі
Інцыдэнт на сельгаспрадпрыемстве «Золак-Агра», што ў аграгарадку Чыркавічы Светлагорскага раёна, звязваюць з недаглядам галоўнага агранома, якая не кантралявала ачыстку тэхнікі.
Кіраўнік прадпрыемства Юрый Рудніцкі тлумачыць прычыны таго, што адбылося
На гэтай ферме ў грузавіках спачатку перавозілі ўгнаенні, а пасля ў іх жа, не чысцячы — корм для жывёлы.
У выніку загінулі 16 кароў, як дойных, так і маладых.
Нанесеную шкоду ацанілі ў 50 000 рублёў, галоўнага агранома ўжо прыцягнулі да суда.
Выканаўчы дырэктар гэтага прадпрыемства Юрый Рудніцкі ў каментарыі для дзяржаўнага тэлебачання заявіў, што сітуацыя цяпер знаходзіцца «пад строгім кантролем», а корм і ўгнаенні цяпер ужо навучаныя супрацоўнікі будуць вазіць у розных машынах.
Чытайце таксама:
Каранік прапанаваў праводзіць супраць падзяжу жывёлы «палітыку НЭП»
Лукашэнка прыгразіў паздымаць галовы за падзеж жывёлы
Стала вядома, колькі людзей у Беларусі пакаралі за падзеж жывёлы
Лукашэнка заявіў, што падзеж жывёлы ў Беларусі дасягнуў «гістарычнага максімуму»