Мерц, Макрон і Стармер абмеркавалі з Трампам сітуацыю ва Украіне
Федэральны канцлер Германіі Фрыдрых Мерц, прэзідэнт Францыі Эмануэль Макрон і прэм'ер-міністр Вялікабрытаніі Кір Стармер абмеркавалі з прэзідэнтам ЗША Дональдам Трампам сітуацыю ва Украіне, паведаміла канцылярыя федэральнага канцлера Германіі.
Здымак ілюстрацыйны. Фота: AP Photo/Geert Vanden Wijngaert
«Чатыры кіраўнікі дзяржаў і ўрадаў абмеркавалі стан перамоў па перамір'і ва Украіне. Інтэнсіўная праца над планам міру павінна працягнуцца ў найбліжэйшыя дні. Яны пагадзіліся, што гэта вырашальны момант для Украіны і агульнай бяспекі ў еўраатлантычнай прасторы», — гаворыцца ў паведамленні на сайце канцылярыі.
У Кіра Стармера таксама пацвердзілі факт размовы, але адзначылі, што «інтэнсіўная праца над мірным планам працягваецца і будзе працягвацца ў найбліжэйшыя дні».
«Лідары абмеркавалі апошнія навіны аб мірных перамовах, якія працягваюцца пад эгідай ЗША, вітаючы іх намаганні, накіраваныя на дасягненне справядлівага і працяглага міру для Украіны і спыненне забойстваў. Інтэнсіўная праца над мірным планам працягваецца і будзе працягвацца ў найбліжэйшыя дні. Яны пагадзіліся, што гэта крытычны момант — для Украіны, яе народа і для агульнай бяспекі ва ўсім Еўраатлантычным рэгіёне», — заявілі ў офісе брытанскага прэм'ера.
Чытайце таксама:
ЗША далі Зяленскаму дэдлайн да Калядаў, каб ён падпісаў мірны план
Зяленскі: Заўтра мы перададзім ЗША мірны план
Пытанне аб перадачы Украіне замарожаных расійскіх актываў будзе вырашана днямі
Трамп: Зяленскаму давядзецца ўзяць сябе ў рукі і прыняць здзелку, бо Украіна прайграе ў вайне