На мяжы з Украінай адкрылі абноўленую памежную заставу
4 снежня на ўчастку Мазырскага памежнага атрада ўрачыста адкрылі абноўленую памежную заставу «Роза Люксембург», якая знаходзіцца ў Ельскім раёне на мяжы з Украінай.
Фота: gpk.gov.by
Памежнікі гэтага падраздзялення пачалі ахоўваць беларускі ўчастак мяжы з Украінай у ліпені 2014 года. Да красавіка 2024-га, калі стартавала рэканструкцыя, яны размяшчаліся ў былым школьным будынку, прыстасаваным пад заставу.
Паведамляецца, што на абноўленай заставе «Роза Люксембург» усе памяшканні абсталяваныя мэбляй і бытавой тэхнікай, а тэрыторыя ды ўчастак мяжы знаходзяцца пад пастаянным кантролем дзякуючы сучасным тэхнічным сродкам.
Пад кантролем заставы — больш за 25 кіламетраў мяжы з Украінай. Для службы выкарыстоўваюцца беспілотнікі, радыяцыйныя і назіральныя прыборы, сігналізацыя, транспарт, у тым ліку матацыклы. Наладжаная надзейная лічбавая радыёсувязь.
За гэты год памежнікі «Розы Люксембург» затрымалі 10 парушальнікаў дзяржаўнай мяжы.
Чытайце таксама:
На паўднёвай мяжы Беларусі адкрылі памежную заставу «Грабяні»
З пачатку года ў Беларусь заехалі больш за 100 тысяч грамадзян Украіны
Кіраўніком расійскай дыверсійнай сеткі ў Польшчы быў ураджэнец Украіны з пашпартам РФ