Na miažy z Ukrainaj adkryli abnoŭlenuju pamiežnuju zastavu
4 śniežnia na ŭčastku Mazyrskaha pamiežnaha atrada ŭračysta adkryli abnoŭlenuju pamiežnuju zastavu «Roza Luksiemburh», jakaja znachodzicca ŭ Jelskim rajonie na miažy z Ukrainaj.
Fota: gpk.gov.by
Pamiežniki hetaha padraździaleńnia pačali achoŭvać biełaruski ŭčastak miažy z Ukrainaj u lipieni 2014 hoda. Da krasavika 2024-ha, kali startavała rekanstrukcyja, jany raźmiaščalisia ŭ byłym školnym budynku, prystasavanym pad zastavu.
Paviedamlajecca, što na abnoŭlenaj zastavie «Roza Luksiemburh» usie pamiaškańni abstalavanyja meblaj i bytavoj technikaj, a terytoryja dy ŭčastak miažy znachodziacca pad pastajannym kantrolem dziakujučy sučasnym techničnym srodkam.
Pad kantrolem zastavy — bolš za 25 kiłamietraŭ miažy z Ukrainaj. Dla słužby vykarystoŭvajucca bieśpiłotniki, radyjacyjnyja i naziralnyja prybory, sihnalizacyja, transpart, u tym liku matacykły. Naładžanaja nadziejnaja ličbavaja radyjosuviaź.
Za hety hod pamiežniki «Rozy Luksiemburh» zatrymali 10 parušalnikaŭ dziaržaŭnaj miažy.
Čytajcie taksama:
Na paŭdniovaj miažy Biełarusi adkryli pamiežnuju zastavu «Hrabiani»
Z pačatku hoda ŭ Biełaruś zajechali bolš za 100 tysiač hramadzian Ukrainy
Kiraŭnikom rasijskaj dyviersijnaj sietki ŭ Polščy byŭ uradženiec Ukrainy z pašpartam RF