Сілавікі змогуць прыпыняць плацежныя аперацыі пры падазрэнні на продаж наркотыкаў
Следчы камітэт і Міністэрства ўнутраных спраў атрымаюць права прыпыняць плацежныя аперацыі, калі ёсць падазрэнне, што яны звязаныя з продажам наркатычных або псіхатропных рэчываў. Гэта прадугледжана ўказам Лукашэнкі, падпісаным 13 лістапада.
Фота ілюстрацыйнае. Скрыншот з відэа
Згодна з указам, Нацыянальны банк будзе арганізоўваць інфармацыйны абмен паміж сілавікамі і пастаўшчыкамі плацежных паслуг. Мэта гэтага абмену — своечасова паведамляць пра аперацыі, якія могуць быць звязаныя з незаконным абаротам наркотыкаў.
У выпадку атрымання адпаведнай інфармацыі Следчы камітэт і МУС змогуць прыпыняць расходныя аперацыі на тэрмін да 10 сутак.
Гэтая мера, як мяркуецца, дазволіць спыняць магчымыя фінансавыя злачынствы яшчэ на этапе іх здзяйснення і больш эфектыўна прадухіляць распаўсюджванне наркотыкаў.
Чытайце таксама:
Двум беларусам пагражае ў Польшчы да 20 гадоў турмы
У Мазыры ў псіханаркадыспансеры адкрылі пляцоўку для падлеткаў: з упіскай і турмою