Siłaviki zmohuć prypyniać płaciežnyja apieracyi pry padazreńni na prodaž narkotykaŭ
Śledčy kamitet i Ministerstva ŭnutranych spraŭ atrymajuć prava prypyniać płaciežnyja apieracyi, kali jość padazreńnie, što jany źviazanyja z prodažam narkatyčnych abo psichatropnych rečyvaŭ. Heta praduhledžana ŭkazam Łukašenki, padpisanym 13 listapada.
Fota ilustracyjnaje. Skrynšot ź videa
Zhodna z ukazam, Nacyjanalny bank budzie arhanizoŭvać infarmacyjny abmien pamiž siłavikami i pastaŭščykami płaciežnych pasłuh. Meta hetaha abmienu — svoječasova paviedamlać pra apieracyi, jakija mohuć być źviazanyja ź niezakonnym abarotam narkotykaŭ.
U vypadku atrymańnia adpaviednaj infarmacyi Śledčy kamitet i MUS zmohuć prypyniać raschodnyja apieracyi na termin da 10 sutak.
Hetaja miera, jak miarkujecca, dazvolić spyniać mahčymyja finansavyja złačynstvy jašče na etapie ich ździajśnieńnia i bolš efiektyŭna praduchilać raspaŭsiudžvańnie narkotykaŭ.
Čytajcie taksama:
Dvum biełarusam pahražaje ŭ Polščy da 20 hadoŭ turmy
U Mazyry ŭ psichanarkadyspansiery adkryli placoŭku dla padletkaŭ: z upiskaj i turmoju
Bieraściejca mohuć asudzić na 20 hadoŭ za hrafici na ścienach