Больш за 5,5 тысяч беларусаў вывучаюць кітайскую мову
У гэтым навучальным годзе кітайскую мову ў Беларусі як асобны прадмет вывучаюць больш за 5,5 тысяч навучэнцаў устаноў агульнай сярэдняй і вышэйшай адукацыі. Пра гэта паведаміў намеснік міністра адукацыі Уладзімір Далжанкоў.
«Установы забяспечаныя поўным курсам айчынных навучальных дапаможнікаў з электроннымі дадаткамі. Работа па іх удасканаленні працягваецца. На афіцыйным адукацыйным партале Беларусі створаныя інфармацыйна-навучальныя сегменты з матэрыяламі аб сістэме адукацыі і культуры Кітая, матэрыяламі для вывучэння кітайскай мовы», — сказаў Уладзімір Далжанкоў.
Намеснік міністра пры гэтым падкрэсліў, што адносіны Беларусі і Кітая дынамічна развіваюцца ўжо больш за 30 гадоў, дасягнуўшы ўзроўню ўсебаковага стратэгічнага партнёрства.
Чытайце таксама:
Як пасля 40 гадоў дыктатуры пабудаваць дэмакратыю? Беларус вывучае досвед Тайваня
Куды аддаць сёлета сваіх дзяцей, каб яны вучыліся па-беларуску
Выкладчык БНТУ ведае 14 моў — яго парады вельмі простыя
Стала вядома пра вызваленне 24‑гадовай настаўніцы кітайскай мовы Дар'і Хмяльніцкай