У Магілёве зрабілі дыяганальны пешаходны пераход
У Магілёве на скрыжаванні вуліц Ленінскай і Ціміразеўскай з’явіўся дыяганальны пешаходны пераход. Цяпер пешаходы тут могуць пераходзіць скрыжаванне па дыяганалі, а не спачатку адну, а потым другую вуліцу.
Як паведамілі ў ДАІ Магілёўшчыны, галоўная перавага новага пераходу — асобная пешаходная фаза святлафора, якая выключае канфлікты паміж аўтамабілямі і пешаходамі.
Такі спосаб пераходу дазваляе ашчаджаць час і робіць рух больш бяспечным. Пры гэтым інспектары нагадваюць: пераходзіць дарогу трэба толькі ў вызначаных месцах і пераканаўшыся, што гэта бяспечна, а ў цёмны час сутак неабходна мець святлоадбівальныя элементы.
Чытайце таксама:
Чаму планаванне падарожжаў з ChatGPT ці Gemini небяспечнае
Мост з вуліцы Маскоўскай на плошчу Незалежнасці ў Мінску адкрыюць раней запланаванага
На трасе каля Мінска заўважылі арыгінальны дарожны знак ФОТАФАКТ
Кіроўца паказаў, як праязджаць новую алмазную развязку ў Мінску. У гледачоў узніклі пытанні