Яшчэ адзін банк знізіў стаўкі па крэдытах на новабудоўлі

З 10 кастрычніка Белінвестбанк зніжае стаўку па крэдыце на новабудоўлі.

Фота: Realt.by

З 10 кастрычніка Белінвестбанк зніжае стаўку па крэдыце на новабудоўлі. На гэта звярнуў увагу Realt.

Так, з 10 кастрычніка замест 15,5% гадавых стаўка знізіцца да 14,9%. Пачатковы ўзнос — ад 10%, пры гэтым крэдытуюць на 10 або ад 15 да 20 гадоў.

Нагадаем, з 1 кастрычніка стаўкі па крэдытах на будаўніцтва і набыццё жылля на месяц знізіў Беларусбанк.

Як адзначаюць аналітыкі Realt, у Белінвестбанку каэфіцыент плацежаздольнасці — 0,9%, а ў Беларусбанку гэты паказчык — 0,7%. Гэта азначае, што пры аднолькавым даходзе сума крэдыту ў Белінвестбанку будзе вышэйшай.

Паводле меркавання эксперта па жылой нерухомасці Наталлі Літоўскай, не выключана, што на фоне зніжэння ставак новабудоўлі будуць вымушаныя даражэць.

Каментары да артыкула