Літоўскія памежнікі: Статкевіч вярнуўся ў Беларусь
Адзін з вызваленых беларускім рэжымам зняволеных адмовіўся пераходзіць мяжу ў Літву, пацвердзілі LRT у Службе аховы дзяржаўнай мяжы Літвы. Гэты чалавек — Мікола Статкевіч. Літоўскія памежнікі зафіксавалі, што ён з нейтральнай зоны пайшоў назад углыб тэрыторыі Беларусі.
Мікола Статкевіч у нейтральнай зоне на мяжы
«Ён знаходзіўся на тым баку і ў Літву не пераходзіў, спробаў перасячы мяжу не было. Цяпер яго ўжо няма, бо ён пайшоў углыб пункта», — сказаў прадстаўнік Памежнай службы Гедрус Мішуціс.
Ён таксама абвергнуў інфармацыю, якая з'яўлялася ў сацсетках, што такіх беларускіх зняволеных, якія адмовіліся пераходзіць у Літву, было больш. Сярод такіх, у прыватнасці, называліся імёны Уладзіміра Мацкевіча, Генадзя Фядыніча і Максіма Вінярскага.
На пытанне, ці пайшоў Статкевіч назад па ўласнай волі, Гедрус Мішуціс адзначыў, што яго суправаджалі некалькі беларускіх службоўцаў, але ішоў ён сам.
Чытайце таксама:
Мікола Статкевіч адмаўляецца пакідаць Беларусь
ФОТА з беларуска-літоўскай мяжы проста зараз. Найхутчэй, у кадры Мікола Статкевіч
Мікола Статкевіч доўга быў адзін у нейтральнай зоне на мяжы, а пасля знік ФОТЫ
Статкевіч зноў з'явіўся на камеры, ён па-ранейшаму ў нейтральнай зоне на мяжы ФОТА