Litoŭskija pamiežniki: Statkievič viarnuŭsia ŭ Biełaruś
Adzin z vyzvalenych biełaruskim režymam źniavolenych admoviŭsia pierachodzić miažu ŭ Litvu, paćvierdzili LRT u Słužbie achovy dziaržaŭnaj miažy Litvy. Hety čałaviek — Mikoła Statkievič. Litoŭskija pamiežniki zafiksavali, što jon ź niejtralnaj zony pajšoŭ nazad uhłyb terytoryi Biełarusi.
Mikoła Statkievič u niejtralnaj zonie na miažy
«Jon znachodziŭsia na tym baku i ŭ Litvu nie pierachodziŭ, sprobaŭ pierasiačy miažu nie było. Ciapier jaho ŭžo niama, bo jon pajšoŭ uhłyb punkta», — skazaŭ pradstaŭnik Pamiežnaj słužby Hiedrus Mišucis.
Jon taksama abvierhnuŭ infarmacyju, jakaja źjaŭlałasia ŭ sacsietkach, što takich biełaruskich źniavolenych, jakija admovilisia pierachodzić u Litvu, było bolš. Siarod takich, u pryvatnaści, nazyvalisia imiony Uładzimira Mackieviča, Hienadzia Fiadyniča i Maksima Viniarskaha.
Na pytańnie, ci pajšoŭ Statkievič nazad pa ŭłasnaj voli, Hiedrus Mišucis adznačyŭ, što jaho supravadžali niekalki biełaruskich słužboŭcaŭ, ale išoŭ jon sam.
Čytajcie taksama:
Mikoła Statkievič admaŭlajecca pakidać Biełaruś
FOTA ź biełaruska-litoŭskaj miažy prosta zaraz. Najchutčej, u kadry Mikoła Statkievič
Mikoła Statkievič doŭha byŭ adzin u niejtralnaj zonie na miažy, a paśla źnik FOTY
Statkievič znoŭ źjaviŭsia na kamiery, jon pa-raniejšamu ŭ niejtralnaj zonie na miažy FOTA