Аўтахаўс браў у людзей машыны для продажу, а грошы забіраў сабе
Мінская міліцыя правярае дзейнасць аднаго з аўтахаўсаў пасля зваротаў кліентаў. Людзі па афіцыйных дамовах перадавалі свае аўтамабілі фірме для продажу, але ў выніку не атрымалі ні машын, ні грошай.
Фота ілюстрацыйнае
Ужо высветлена, што амаль усе ўзятыя ў людзей машыны ўжо былі рэалізаваныя за мяжой. Па гэтых фактах праводзяцца аператыўна-вышуковыя мерапрыемствы.
Па стане на гэты момант у органы ўнутраных спраў звярнуліся каля 40 пацярпелых. Паводле папярэдніх ацэнак, агульная сума нанесенай шкоды перавышае адзін мільён даляраў.
Міліцыя заклікае ўсіх, хто трапіў у падобную сітуацыю, звяртацца ў свой раённы аддзел унутраных спраў або тэлефанаваць па нумары 102.
Чытайце таксама:
Фразы, якія выдаюць тэлефонных махляроў, раскрыла міліцыя