Aŭtachaŭs braŭ u ludziej mašyny dla prodažu, a hrošy zabiraŭ sabie
Minskaja milicyja praviaraje dziejnaść adnaho z aŭtachaŭsaŭ paśla zvarotaŭ klijentaŭ. Ludzi pa aficyjnych damovach pieradavali svaje aŭtamabili firmie dla prodažu, ale ŭ vyniku nie atrymali ni mašyn, ni hrošaj.
Fota ilustracyjnaje
Užo vyśvietlena, što amal usie ŭziatyja ŭ ludziej mašyny ŭžo byli realizavanyja za miažoj. Pa hetych faktach pravodziacca apieratyŭna-vyšukovyja mierapryjemstvy.
Pa stanie na hety momant u orhany ŭnutranych spraŭ źviarnulisia kala 40 paciarpiełych. Pavodle papiarednich acenak, ahulnaja suma naniesienaj škody pieravyšaje adzin miljon dalaraŭ.
Milicyja zaklikaje ŭsich, chto trapiŭ u padobnuju situacyju, źviartacca ŭ svoj rajonny adździeł unutranych spraŭ abo telefanavać pa numary 102.
Čytajcie taksama:
Frazy, jakija vydajuć telefonnych machlaroŭ, raskryła milicyja
Firma z Kazachstana padmanuła na tokienach 1600 biełarusaŭ
Źjaviŭsia novy trajan, jaki kradzie danyja bankaŭskich kartaŭ