Прэм'ер-міністр Непала падаў у адстаўку
Прэм'ер-міністр Непала Шарма Олі падаў у адстаўку на фоне пратэстаў, паведамляе Reuters са спасылкай на памочніка кіраўніка краіны.
Фота: Ambir Tolang / NurPhoto via Getty Images
Усяго за некалькі гадзін да сваёй адстаўкі Олі заклікаў пратэстоўцаў да міру і стрыманасці, заклікаючы шукаць развязанні шляхам дыялогу. Аднак кіраўніка ўрада папрасіў пакінуць пасаду камандуючы арміяй генерал Ашок Радж Сігдэль..
Учора ў Непале ўспыхнулі пратэсты, у ходзе дэманстрацый загінулі 19 чалавек, больш за 100 удзельнікаў шэсцяў атрымалі раненні.
Людзі патрабавалі ад уладаў адмены блакіроўкі сацсетак і ўзмацнення барацьбы з карупцыяй. Пераважную большасць удзельнікаў пратэстаў складалі людзі пакалення Z (да яго адносяць тых, хто нарадзіўся з 1995 па 2012 год).
Рашэнне аб блакіроўцы сацсетак і месенджараў улады Непала прынялі ў пачатку верасня. Пад забарону трапілі, у тым ліку, Facebook, Instagram, WhatsApp, YouTube.
Урад адклікаў рашэнне аб блакіроўцы сацсетак.
Раней урад заяўляў, што сацыяльныя платформы трэба рэгуляваць, каб змагацца з фэйкавымі навінамі, мовай варожасці і інтэрнэт-махлярствам.