Premjer-ministr Niepała padaŭ u adstaŭku
Premjer-ministr Niepała Šarma Oli padaŭ u adstaŭku na fonie pratestaŭ, paviedamlaje Reuters sa spasyłkaj na pamočnika kiraŭnika krainy.
Fota: Ambir Tolang / NurPhoto via Getty Images
Usiaho za niekalki hadzin da svajoj adstaŭki Oli zaklikaŭ pratestoŭcaŭ da miru i strymanaści, zaklikajučy šukać raźviazańni šlacham dyjałohu. Adnak kiraŭnika ŭrada paprasiŭ pakinuć pasadu kamandujučy armijaj hienierał Ašok Radž Sihdel..
Učora ŭ Niepale ŭspychnuli pratesty, u chodzie demanstracyj zahinuli 19 čałaviek, bolš za 100 udzielnikaŭ šeściaŭ atrymali ranieńni.
Ludzi patrabavali ad uładaŭ admieny błakiroŭki sacsietak i ŭzmacnieńnia baraćby z karupcyjaj. Pieravažnuju bolšaść udzielnikaŭ pratestaŭ składali ludzi pakaleńnia Z (da jaho adnosiać tych, chto naradziŭsia z 1995 pa 2012 hod).
Rašeńnie ab błakiroŭcy sacsietak i miesiendžaraŭ ułady Niepała pryniali ŭ pačatku vieraśnia. Pad zabaronu trapili, u tym liku, Facebook, Instagram, WhatsApp, YouTube.
Urad adklikaŭ rašeńnie ab błakiroŭcy sacsietak.
Raniej urad zajaŭlaŭ, što sacyjalnyja płatformy treba rehulavać, kab zmahacca z fejkavymi navinami, movaj varožaści i internet-machlarstvam.