У Мінпрацы расказалі, як будуць прымаць моўныя экзамены ў мігрантаў
Першая намесніца міністра працы і сацыяльнай абароны Беларусі Таццяна Астрэйка растлумачыла, якія патрабаванні будуць выстаўляцца да працоўных мігрантаў у рамках новага экзамену па веданні дзяржаўнай мовы.
Фота ілюстрацыйнае
Паводле рашэння ўрада, усе мігранты, якія збіраюцца працаваць па пэўных прафесіях і пасадах, павінны здаць гэты экзамен перад заключэннем працоўнай дамовы.
Экзамен будзе праводзіцца ў пісьмовай форме і будзе займаць 30 хвілін. Тэст можна будзе пераздаваць неабмежаваную колькасць разоў, пакуль не атрымаецца станоўчы вынік. Няма абмежаванняў і на інтэрвалы паміж спробамі. Аднак пакуль экзамен не здадзены, заключаць працоўную дамову па 11 пазначаных прафесіях забаронена.
Тэсты будуць праходзіць двойчы на месяц — 15-га і ў апошні дзень месяца. Месца здачы экзамену выбіраецца ў залежнасці ад зручнасці працадаўцы і мігранта.
Таксама падкрэсліваецца, што патрабаванні па веданні дзяржаўнай мовы не распаўсюджваюцца на грамадзян краін ЕАЭС — Расіі, Арменіі, Кыргызстана і Казахстана. Для тых, хто хоча атрымаць падрабязную інфармацыю пра экзамен, Міністэрства працы рэкамендуе звярнуцца на партал дзяржаўнай службы занятасці.
Чытайце таксама:
Урад вызначыў парадак праверкі ведання дзяржаўнай мовы мігрантамі
У Пакістане ўжо набіраюць ахвотных працаваць у Беларусі
Пакістан абяцае адпраўляць у Беларусь толькі найлепшыя кадры