U Minpracy raskazali, jak buduć prymać moŭnyja ekzamieny ŭ mihrantaŭ

Pieršaja namieśnica ministra pracy i sacyjalnaj abarony Biełarusi Taćciana Astrejka rastłumačyła, jakija patrabavańni buduć vystaŭlacca da pracoŭnych mihrantaŭ u ramkach novaha ekzamienu pa viedańni dziaržaŭnaj movy.

Fota ilustracyjnaje

Pavodle rašeńnia ŭrada, usie mihranty, jakija źbirajucca pracavać pa peŭnych prafiesijach i pasadach, pavinny zdać hety ekzamien pierad zaklučeńniem pracoŭnaj damovy.

Ekzamien budzie pravodzicca ŭ piśmovaj formie i budzie zajmać 30 chvilin. Test možna budzie pierazdavać nieabmiežavanuju kolkaść razoŭ, pakul nie atrymajecca stanoŭčy vynik. Niama abmiežavańniaŭ i na intervały pamiž sprobami. Adnak pakul ekzamien nie zdadzieny, zaklučać pracoŭnuju damovu pa 11 paznačanych prafiesijach zabaroniena.

Testy buduć prachodzić dvojčy na miesiac — 15-ha i ŭ apošni dzień miesiaca. Miesca zdačy ekzamienu vybirajecca ŭ zaležnaści ad zručnaści pracadaŭcy i mihranta.

Taksama padkreślivajecca, što patrabavańni pa viedańni dziaržaŭnaj movy nie raspaŭsiudžvajucca na hramadzian krain JEAES — Rasii, Armienii, Kyrhyzstana i Kazachstana. Dla tych, chto choča atrymać padrabiaznuju infarmacyju pra ekzamien, Ministerstva pracy rekamienduje źviarnucca na partał dziaržaŭnaj słužby zaniataści.

Kamientary da artykuła