Лаўрэатам Нацыянальнай літаратурнай прэміі стаў палітолаг-прапагандыст Вадзім Баравік
На галоўнай сцэне Дня беларускага пісьменства ў Лідзе назвалі пераможцаў Нацыянальнай літаратурнай прэміі 2025 года — галоўнай узнагароды для праўладных пісьменнікаў і публіцыстаў.
Прэмія «Найлепшы твор паэзіі» прысуджаная Мікалаю Ждановічу за зборнік вершаў «Свечка».
У намінацыі «Найлепшы твор драматургіі» перамогу атрымала Улада Собалева з кнігай «Аватары театра».
У намінацыі «Літаратурная крытыка і літаратуразнаўства» ўзнагароджаны Аляксандр Бярозка за публікацыі ў часопісе «Полымя».
Кніга Мікалая Чарняўскага «Акадэмія… на колах» прызнана найлепшым творам для дзяцей і падлеткаў.
Узнагароду ў намінацыі «Найлепшы дэбют» атрымаў вядомы як праўладны палітолаг, часты ўдзельнік прапагандысцкіх ток-шоу Вадзім Баравік за зборнік вершаў «Иду по Минску». Паводле слоў самога аўтара, «гэта і лірыка, і сацыяльная паэзія пра прыроду і нашу сталіцу».
Вадзім Баравік
Пераможцам у намінацыі «Найлепшы твор публіцыстыкі» за кнігу «Буйничское поле. Остаться и умереть…» стаў Мікалай Барысенка.
Як паведамляецца, сёлета на конкурс паступіла больш за 70 заявак.
Чытайце таксама:
З хросным ходам і феерверкамі. Поўная праграма Дня беларускага пісьменства ў Лідзе
Муралы, інтэрактыўныя лаўкі і рыцары. Як Ліда пераўтвараецца да Дня беларускага пісьменства
У Лідзе да Дня беларускага пісьменства з'явіліся лаўкі-пазлы
У наступным годзе Дзень беларускага пісьменства правядуць у Касцюковічах