У наступным годзе Дзень беларускага пісьменства правядуць у Касцюковічах
Пра намер правесці ў 2026 годзе Дзень беларускага пісьменства ў горадзе Касцюковічы Магілёўскай вобласці 5 верасня паведаміў намеснік міністра інфармацыі Дзмітрый Язерскі.
Каля краязнаўчага музея ў Касцюковічах
Чыноўнік адзначыў, што сёлета ўпершыню ў рамках свята Міністэрства інфармацыі арганізавала прэс-тур. Такую практыку ведамства выкарыстоўвала і раней, але на Дні пісьменства ў Лідзе гэта зроблена ўпершыню. Язерскі падкрэсліў, што менавіта ўдзельнікі могуць найлепшым чынам перадаць уражанні ад мерапрыемства, таму прэс-туры будуць ладзіцца і далей.
«У наступным годзе Магілёўская вобласць будзе прымаць фестываль. Ён пройдзе ў Касцюковічах. Гэта выдатны населены пункт на мяжы з Расіяй. Выходзім на новы ўзровень. Фестываль павінен прырастаць кожны раз, вязучы з чарговай фестывальнай сталіцы нешта новае. Вось з Ліды мы павязем прэс-тур», — сказаў Язерскі.
Чытайце таксама:
З хросным ходам і феерверкамі. Поўная праграма Дня беларускага пісьменства ў Лідзе
Муралы, інтэрактыўныя лаўкі і рыцары. Як Ліда пераўтвараецца да Дня беларускага пісьменства
У Лідзе да Дня беларускага пісьменства з'явіліся лаўкі-пазлы
«Ад прадзедаў спакон вякоў». У Лідзе з'явіўся мурал з Янкам Купалам