Дэлегатка КР Карпушонак пасля маўчання апублікавала відэа

На відэа выглядае, нібыта жанчына агучвае завучаны або надыктаваны тэкст. Відэа яна, падобна, запісала ў Іспаніі, але не зразумела, калі.

Скрыншот з відэа

У запісаным паўтарахвілінным відэа Вольга Карпушонак жаліцца, што пасля запісання папярэдняга сутыкнулася з ціскам з боку СМІ і «асобных калег». Прытым ціск гэты ідзе і з Польшчы, і з Украіны. 

Жанчына сцвярджае, што мае неаспрэчныя доказы сказанаму раней, бо «вы былі настолькі ўпэўненыя ў сваёй беспакаранасці, што забываліся пра бяспеку». І калі пагрозы будуць працягвацца, то яна тады перадасць гэтыя матэрыялы «па-сапраўднаму незалежным СМІ». Ад гэтых матэрыялаў «будзе кепска ўсім». 

Пасля гэтага яна перайшла да пагрозаў непасрэдна Паўлу Латушку, сказаўшы, што тое, што яна хоча абнародаваць, яму «вельмі не спадабаецца». 

У тэкставым каментары да відэа Карпушонак заяўляе:

«З Украіны я паехала па ўласным жаданні, ніякай дэпартацыі не было і быць не магло, паліграф ва Украіне я прайшла паспяхова яшчэ ў 2022 годзе. Я ніколі не адмаўлялася ад праходжання паліграфа ў НАУ, больш за тое, сама выступала з такой ініцыятывай. Аднак яго праходжанне мне так і не арганізавалі, усё засталося толькі на словах.

З НАУ я пайшла ў сувязі з дамаганнямі з боку Латушкі. Смешна назіраць, як Павел адмаўляе толькі сумесны паход у рэстаран, але не ўсё астатняе мной сказанае».

Каментары да артыкула