Латушка паведаміў пра атрыманне пагрозы ад КДБ
Кіраўнік Народнага антыкрызіснага ўпраўлення, намеснік кіраўніцы Аб'яднанага пераходнага камітэта Павел Латушка паведаміў, што атрымаў ад меркаванага супрацоўніка КДБ электронны ліст з пагрозамі.
Павел Латушка. Фота: Офіс Святланы Ціханоўскай
«Чалавек (відавочна супрацоўнік КДБ), які папярэдзіў мяне перад нападам у Варшаўскім універсітэце, сёння даслаў мне электронны ліст: «Хутка пабачымся… дома».
Гэты чалавек сцвярджае, што лідараў апазіцыі «знойдуць» і «даставяць» да «вокнаў» звычайныя палякі і літоўцы на мяжы. Пагрозы не спыняюцца», — напісаў Латушка ў сацсетцы X, пазначыўшы тэгамі польскую паліцыю і віцэ-прэм'ера Польшчы Томаша Семоняка, які курыруе сілавыя структуры.
Чытайце таксама:
Зніклы Котаў выехаў з Турцыі морам — магчыма, у бок Расіі
Анатоль Котаў ужо выязджаў у Турцыю і лічыў яе бяспечнай — крыніцы
Пасля паездкі за межы ЕС таямніча знік Анатоль Котаў, былая правая рука Паўла Латушкі