У Жабінкаўскім раёне зноў гарэла праваслаўная царква
Днём 15 жніўня падраздзяленні МНС выязджалі па паведамленні аб пажары ў будынку храма Свяціцеля Мікалая Цудатворца ў аграгарадку Азяты Жабінкаўскага раёна.
Скрыншот з відэа
Ратавальнікі, якія аператыўна прыбылі да месца выкліку, высветлілі, што з-пад даху храма ідзе дым. Работнікі МНС ліквідавалі пажар і сумесна з прыхаджанамі эвакуявалі матэрыяльныя каштоўнасці.
Паведамляецца, што агонь пашкодзіў драўляную вонкавую ашалёўку званіцы. Пацярпелых няма.
24 ліпеня 2025 года ў гэтым самым раёне цалкам згарэла драўляная царква XVIII стагоддзя ў вёсцы Сцяпанкі. Яна была кандыдаткай на ўнясенне ў спіс Сусветнай спадчыны ЮНЕСКА.
Чытайце таксама:
Улады расказалі, што будзе рабіцца на месцы згарэлай царквы ў Сцяпанках
Царква ў Сцяпанках згарэла цалкам ВІДЭА
У царкве-шэдэўры, што згарэла пад Жабінкай, да 2020 года служыў святар-палітвязень Разановіч
Згарэў шэдэўр народнай архітэктуры Палесся — царква ў Сцяпанках. Яна засталася на фотах «Нашай Нівы»