Індыйскія НПЗ перасталі набываць расійскую нафту
Індыйскія дзяржаўныя нафтаперапрацоўчыя заводы прыпынілі закупку расійскай нафты пасля пагроз з боку Дональда Трампа, паведамляе агенцтва Reuters са спасылкай на свае крыніцы.
Здымак ілюстрацыйны. Фота: millenniumpost.in
Гаворка ідзе пра заводы, якія належаць дзяржаве: Indian Oil, Hindustan Petroleum, Bharat Petroleum і Mangalore Refinery Petrochemical. Яны перасталі набываць расійскую нафту яшчэ на мінулым тыдні. Замест яе пачалі паступаць пастаўкі з Абу-Дабі і афрыканскіх краін.
Гэтыя дзяржаўныя прадпрыемствы займаюць больш за 60% ад усіх магутнасцяў нафтаперапрацоўкі ў Індыі. Аднак прыватныя кампаніі, як Reliance Industries і Nayara Energy, якія з'яўляюцца найбуйнейшымі пакупнікамі расійскай нафты ў Індыі, пакуль яе закупкі не спынілі.
Адна з прычын гэтага рашэння — пагрозы Трампа ўвесці 100-працэнтныя мыты на нафту для краін, якія працягваюць яе купляць у Расіі. Акрамя таго, пастаўшчыкі з Расіі скарацілі зніжкі, што таксама паўплывала на рашэнне індыйскага боку.
Індыя — трэці ў свеце спажывец нафты і самы буйны імпарцёр расійскай нафты, якая паступае туды па моры.
Чытайце таксама:
Трамп наклаў 25% пошліны на Індыю
Трамп прыгразіў санкцыямі краінам, якія падтрымліваюць БРІКС
Сенатар Грэм: Трамп падтрымаў новыя санкцыі супраць Расіі
Трамп адгаварыў рэспубліканцаў ад падтрымкі закона аб «пякельных санкцыях» супраць Расіі