НАТА «ўважліва сочыць за сітуацыяй» з дронам у паветранай прасторы Літвы
НАТА ўважліва назірае за сітуацыяй вакол паведамленняў пра пранікненне ў паветраную прастору Літвы, верагодна, расійскіх беспілотнікаў з тэрыторыі Беларусі, пакуль працягваюцца нацыянальныя расследаванні. Пра гэта паведаміў афіцыйны прадстаўнік альянсу, піша «Еўрапейская праўда».
Дрон, які сёння заляцеў у Літву. Скрыншот з відэа LRT
У заяве адзначаецца, што «нацыянальныя расследаванні працягваюцца, і мы ўважліва сочым за развіццём падзей».
Прадстаўнік альянсу таксама падкрэсліў, што НАТА «працуе разам з саюзнікамі для гарантавання нашай агульнай бяспекі» і што «наша адданасць абароне кожнага саюзніка застаецца нязменнай».
28 ліпеня ў Літве афіцыйна паведамілі, што над тэрыторыяй краіны быў зафіксаваны беспілотнік невядомага тыпу, які, паводле папярэдняй інфармацыі, заляцеў з боку Беларусі.
Падобны інцыдэнт ужо адбываўся 10 ліпеня — тады праз Беларусь у паветраную прастору Літвы трапіў расійскі БПЛА тыпу «Гербера». Пасля таго Літва накіравала Беларусі ноту пратэсту.
Чытайце таксама:
Дрон заляцеў з Беларусі на тэрыторыю Літвы
Як дроны залятаюць з Беларусі ў Літву? У iSANS расказалі, што вядома