У Мёрах падлетак прадаваў парнаграфію, выкарыстаўшы нумар суседа
Як паведамляе Генпракуратура, восенню 2024 года 17-гадовы хлопец вырашыў зарабіць на продажы порнаматэрыялаў. Ён спампаваў з інтэрнэту відэа і фота адпаведнага характару, а затым стварыў акаўнт у месенджары, выкарыстоўваючы нумар тэлефона суседа.
Фота ілюстрацыйнае
Каб прыцягнуць увагу, хлопец зарэгістраваўся пад жаночым іменем і паставіў у профіль здымак дзяўчыны, знойдзены ў сеціве.
Выдаючы сябе за дзяўчыну, ён выкладваў спіс «паслуг» і адпраўляў карыстальнікам парнаграфічны кантэнт. За матэрыялы прасіў грошы, выкарыстоўваючы банкаўскія карты — прытым не толькі сваю, але і маміну. Заробленыя сродкі траціў на ежу і адзенне.
Вясной 2025 года пра гэта даведалася міліцыя. Следства канфіскавала тэлефон хлопца і правяло экспертызу, якая пацвердзіла, што змест матэрыялаў сапраўды мае парнаграфічны характар. Падчас допыту хлопец раскаяўся і прызнаўся, што не ведаў пра адказнасць, бо лічыў гэта звычайнай з’явай у інтэрнэце.
Чытайце таксама:
Пяць гучных дыкпік-скандалаў апошніх гадоў
У Кыргызстане заблакуюць порнасайты. Парламент прыняў законапраект
У Маладзечне 13-гадовая дзяўчынка закахалася ў 16-гадовага старшакласніка. Усё скончылася сумна