У Ленінградскай вобласці знайшлі мёртвым віцэ-губернатара
Увечары 19 чэрвеня 2025 года ў сваім загарадным доме ў вёсцы Юкі Ленінградскай вобласці Расіі знойдзены мёртвым мясцовы віцэ-губернатар Ігар Пятроў. Паводле паведамленняў СМІ, у чыноўніка было агнястрэльнае раненне.
Ігар Пятроў
Папярэдне ўстаноўлена, што смерць наступіла падчас чысткі стрэльбы — прыкмет узлому або гвалту не выяўлена. Улады Ленінградскай вобласці пацвердзілі смерць Пятрова і адзначылі, што ён нечакана пайшоў з жыцця ва ўзросце 65 гадоў, аднак прычыны не ўдакладнілі.
Ігар Пятроў займаў пасаду віцэ-губернатара з 2017 года.
Чытайце таксама:
У Самары забілі былога мэра горада і ягоную жонку. Іх унучку падазраюць у забойстве і расчляненні
Кіраўнік раёна ў Курскай вобласці нарыхтоўваў дровы на фронт — і яго забіла дрэвам