У ноч з 20 і 21 чэрвеня мінскае метро памяняе расклад
Мінскі метрапалітэн папярэдзіў, што 20 чэрвеня ў сталіцы пройдзе Рэспубліканскі баль выпускнікоў, дзеля чаго метро будзе працаваць па змененым графіку.
Ілюстрацыйнае фота з сацыяльных сетак
У сувязі з мерапрыемствам цягнікі будуць курсіраваць па раскладзе пятніцы з 05:30 20 чэрвеня да 02:00 ночы 21 чэрвеня.
У ноч на 21 чэрвеня (субота) станцыі метро закрыюць на ўваход у 01:25. Выключэнні:
- станцыя «Няміга» — закрыецца ў 01:40;
- уваход на «Купалаўскую» з боку вуліцы Карла Маркса будзе закрыты ўжо 20 чэрвеня ў 21:00.
Таксама метрапалітэн раіць загадзя набыць жэтоны і праязныя дакументы. Гэта дазволіць пазбегнуць чэргаў і затрымак.
Чытайце таксама:
«Туфлі — 400 рублёў». Выпускнікі дзеляцца, у колькі абышліся іх вобразы
У назвах станцый метро на выхадах з падземкі зніклі некаторыя літары
Кальцавая лінія мінскага метро будзе з 17 станцый. Якія будуць назвы і калі пачнецца будаўніцтва