Прэзідэнт Бразіліі праляцеў праз Маскву, не сустракаючыся з Пуціным
Сёння з'явілася інфармацыя, што прэзідэнт Бразіліі Луіс Інасіу Лула да Сілва заявіў, што ён асабіста будзе патрабаваць ад кіраўніка РФ Уладзіміра Пуціна ўдзельнічаць у перамовах з прэзідэнтам Украіны Уладзімірам Зяленскім у Турцыі і падыме гэта пытанне падчас свайго пралёту праз Маскву пры вяртанні з рэгіянальнага форуму ў Кітаі. Але ў выніку з гэтага нічога не атрымалася.
Луіс Інасіу Лула да Сілва падчас вайсковага парада ў Дзень незалежнасці ў сталіцы краіны Бразіліа. 7 верасня 2023 года. Фота: Eraldo Peres / AP
Падчас кароткага прыпынку ў Маскве бразільскі прэзідэнт Інасіу Лула да Сілва не меў зносін з Пуціным, паведамляе расійскае дзяржаўнае агенцтва «РІА Навіны» са спасылкай на пасольства Бразіліі ў Маскве.
Цяпер прэзідэнт Бразіліі ўжо пакінуў расійскую сталіцу.
Чытайце таксама:
Прэзідэнт Бразіліі ляціць у Маскву, каб падштурхнуць Пуціна да перамоваў у Стамбуле
«Пуцін задае бардэлю парадак дня». Прапаганда выкручваецца перад перамовамі ў Стамбуле
Абмен усіх палонных і спыненне агню. Зяленскі назваў тэмы для перамоваў з Пуціным у Стамбуле
Зяленскі: Гарантаваць бяспеку падчас параду ў Маскве прасіў Кітай