Макрон аб прапанове Пуціна: Ён шукае выхад, але хоча выгадаць час

Прэзідэнт Францыі лічыць недастатковай прапанову Уладзіміра Пуціна аднавіць прамыя перамовы з Украінай у Стамбуле.

Эманюэль Макрон. Фота: Ludovic Marin, AP

Прэзідэнт Францыі Эманюэль Макрон назваў прапанову Уладзіміра Пуціна аднавіць прамыя перамовы Масквы і Кіева ў Стамбуле «першым крокам, але недастатковым».

«Бязумоўнаму спыненню агню не павінны папярэднічаць перамовы. Пуцін шукае выхад, але хоча выгадаць час», — заявіў Макрон, якога цытуе France 24.

Напярэдадні ў Кіеве «кааліцыя ахвотных» у складзе лідараў Вялікабрытаніі, Францыі, Германіі, Польшчы і Украіны заклікала да безумоўнага спынення агню з 12 мая. Аднак Уладзімір Пуцін у начным звароце прапанаваў аднавіць перамовы з Украінай у Стамбуле з 15 мая — без папярэдніх умоваў.

Каментары да артыкула