Беларусам дасылаюць паведамленні пра атручаную ваду на 9 мая
Беларусы сутыкнуліся з фэйкавай рассылкай пра нібыта атручаную ваду, якую будуць раздаваць валанцёры на святкаванні 9 траўня, паведаміў тэлеграм-канал «#1регион», які належыць Брэсцкаму аблвыканкаму.
Жыхарам Брэстчыны ў месенджары Viber у чатах сталі дасылаць паведамленні пра нібыта атручаную ваду, якую будуць раздаваць у бутэльках на святкаванні 9 траўня. Аўтары фэйкавых паведамленняў пагражаюць, што праз такую ваду «чалавек згарае за гадзіну-дзве».
«Гэта фэйк. На такія ж фэйкавыя паведамленні скардзяцца ў Пскове, Ліпецку, Варонежы і шэрагу іншых расійскіх гарадоў», — пракаментавалі брэсцкія ўлады.
Пры гэтым удакладняецца, што падобная фэйкавая рассылка махляроў ужо не новая, яна рабілася і ў мінулым годзе.
Чытайце таксама:
Прапагандысты разганяюць фэйк пра выдаленне артыкула пра Хатынь у Вікіпедыі
Ментусава расказала, што адчувала пасля таго, як яе фэйкавыя здымкі загрузілі на порнасайт