Biełarusam dasyłajuć paviedamleńni pra atručanuju vadu na 9 maja
Biełarusy sutyknulisia z fejkavaj rassyłkaj pra nibyta atručanuju vadu, jakuju buduć razdavać vałanciory na śviatkavańni 9 traŭnia, paviedamiŭ telehram-kanał «#1riehion», jaki naležyć Bresckamu abłvykankamu.
Žycharam Brestčyny ŭ miesiendžary Viber u čatach stali dasyłać paviedamleńni pra nibyta atručanuju vadu, jakuju buduć razdavać u butelkach na śviatkavańni 9 traŭnia. Aŭtary fejkavych paviedamleńniaŭ pahražajuć, što praz takuju vadu «čałaviek zharaje za hadzinu-dźvie».
«Heta fejk. Na takija ž fejkavyja paviedamleńni skardziacca ŭ Pskovie, Lipiecku, Varoniežy i šerahu inšych rasijskich haradoŭ», — prakamientavali bresckija ŭłady.
Pry hetym udakładniajecca, što padobnaja fejkavaja rassyłka machlaroŭ užo nie novaja, jana rabiłasia i ŭ minułym hodzie.
Čytajcie taksama:
Prapahandysty razhaniajuć fejk pra vydaleńnie artykuła pra Chatyń u Vikipiedyi
Mientusava raskazała, što adčuvała paśla taho, jak jaje fejkavyja zdymki zahruzili na pornasajt