У мунтжакаў з Гродзенскага заапарка нарадзілася дзіця

У ноч з 24 на 25 красавіка ў сям'і кітайскіх мунтжакаў Алежака і Воленькі здарылася папаўненне: у іх нарадзілася цудоўная малеча, паведамляюць у Гродзенскім заапарку.

У пары гэта ўжо другое дзіцяня. У верасні мінулага года ў гродзенскіх мунтжакаў нарадзіўся першынец — самачка Эла.

Цяпер жа, праз сем месяцаў, на свет з'явілася яшчэ адна самачка, якой супрацоўнікі заапарка далі імя Лёля.

Кітайскі мунтжак — від аленяў-мунтжакаў, шырока распаўсюджаны ў паўднёва-ўсходнім Кітаі і на Тайвані. Таксама ён быў завезены ў Бельгію, Нідэрланды і Вялікабрытанію (Паўднёвая Англія), дзе жыве ў натуральных умовах.

Каментары да артыкула