Pažar u histaryčnym centry Hrodna — fota i videa
abnoŭlena.
Hareŭ budynak na vulicy Kalučynskaj. Jon staić pobač z domam kupca Muraŭjova.
13 lipienia ŭviečary ŭ centry Hrodna na vulicy Kalučynskaj hareŭ budynak druhoj pałovy XIX st. Jon staić pobač z domam kupca Muraŭjova.
Pra zdareńnie «NN» paviedamiŭ vidavočca. Pa jaho słovach, spačatku z-pad strachi doma pavaliŭ husty dym. Jaho było bačna z vulicy Maładziožnaj, što ŭ niekalkich kvartałach ad Savieckaj płoščy. Kali śviedka pažaru dajšoŭ da miesca zdareńnia, dach užo hareŭ. Ad ahniu pačaŭ łopacca šyfier, darohu ŭ hetym miescy pierakryli. Na pažar źjechałasia kala dziasiatka pažarnych mašyn.
Dom na Kalučynskaj byŭ zbudavany ŭ 1855 hodzie. Złaja ironija losu — heta adzin ź pieršych damoŭ u hetym rajonie horada, zbudavanych paśla pažaru. Niekalki hod tamu haradskija ŭłady płanavali źnieści budynak i na jaho zrabić aŭtastajanku.