Staršyja IIHF upeŭnieny, što ČS pa chakiei ŭ 2014 hodzie projdzie ŭ Biełarusi
Raniej paviedamlałasia, što pytańnie ab pieranosie čempijanatu ŭklučana ŭ paradak dnia majskaha pasiadžeńnia kanhresa.
«Ja dumaju, turnir budzie zhulany ŭ Biełarusi. Ja ŭpeŭnieny, što my budziem tam», — zajaviŭ ahienctvu «R-Sport» staršynia IIHF Rene Fazel. Jon padkreśliŭ, što hetaje pytańnie budzie abmiarkoŭvacca na majskim pasiadžeńni kanhresa, kali nacyjanalnyja fiederacyi ŭniasuć jaho ŭ paviestku dnia.
Nahadajem, 12 krasavika Sonia Nandzik, pamočnica deputata Jeŭraparłamienta ad Polščy Mareka Mihalskaha, paviedamiła, što pytańnie pra pieranos ČS pa chakiei ŭniesiena ŭ paradak dnia majskaha pasiadžeńnia IIHF.
Paźniej IIHF na prośbu žurnalistaŭ prakamientavała zajavu Nandzik. Dyrektar IIHF pa suviaziach z hramadskaściu Sajman Šembierh ni paćvierdziŭ, ni abvierh takuju mahčymaść.
Tym časam, zapracavaŭ admysłovy sajt, stvaralniki jakoha zaklikajuć Mižnarodnuju fiedyracyju pa chakiei (International Ice Hockey Federation) admovicca ad praviadzieńnia ŭ Biełarusi čempijanatu śvietu pa chakiei ŭ 2014, pakul nie budzie vykanany šerah patrabavańniaŭ.