Dvuchhadovaja dačka zakryła maci na bałkonie 13-ha paviercha

11.01.2012 / 11:18

Na kuchni ŭ toj čas smažylisia bliny.

Viečaram 10 studzienia ŭ MNS pastupiła paviedamleńnie, što pa vulicy Mazurava ŭ Homieli na bałkonie 13-ha paviercha znachodzicca žančyna i prosić ab dapamozie.

Jak paviedamiŭ pres-sakratar Homielskaha abłasnoha ŭpraŭleńnia MNS Rusłan Habryloŭ, maładuju žančynu zakryła na bałkonie jaje dvuchhadovaja dačka, ź jakoj jana znachodziłasia ŭ kvatery. Dziaŭčynka paviarnuła ručku dźviarej škłopakieta ŭ toj momant, kali maci vyjšła na bałkon.

Na kuchni zastałasia patelnia, na jakoj piaklisia bliny.

Muž žančyny nie moh trapić u kvateru, bo ŭ zamku ŭvachodnych dźviarej z unutranaha boku znachodzilisia klučy.

«Miarkujučy pa ŭsim, žančyna kryčała z bałkona z prośbaj ab dapamozie, niechta z prachožych abo susiedziaŭ jaje pačuŭ i pazvaniŭ ratavalnikam. Supracoŭnik MNS prybyli da miesca zdareńnia na praciahu 10 chvilin. Pa leśvicy zabralisia na bałkon i z dapamohaj ślasarnaha instrumientu adčynili dźviery.

Vyjaviłasia, što žančyna vielmi zamierzła, bo była tolki ŭ kašuli i tapačkach.

Bliny na patelni da hetaha času zhareli i zadymili kvateru, ale ŭsio skončyłasia dobra», — zaznačyŭ Habryloŭ.

MNS nahadvaje, što nielha pakidać małaletnich dziaciej biez nahladu navat na niekalki chvilin.

Čytajcie taksama:

Kamientary da artykuła