U Inhušecii złavili padobnaha da «śniežnaha čałavieka»
«Ja vam skažu: žyvioła padobna na haryłu kala dvuch mietraŭ rostam, ciomnaha koleru, jak miarkujecca, samka, vielmi vialikaja», — kaža ichny ministr.
Pamiežniki złavili ŭ lesie ŭ Džejrachskim rajonie Inhušecii (Rasija) dźviuchmiatrovuju žyviolinu, padobnuju na «śniežnaha čałavieka», paviedamiŭ Interfaksu ministr pracy i sacyjalnaha raźvićcia respubliki Bahaŭdzin Maršani.
«Ja vam skažu: žyvioła padobna na haryłu kala dvuch mietraŭ rostam, ciomnaha koleru, jak miarkujecca, samka, vielmi vialikaja.
Zvyčajna haryła abapirajecca na piarednija ruki, a hetaja staić viertykalna, jak čałaviek. Rykaje i vydaje niezrazumiełyja huki»,— raskazaŭ ministr.
Pavodle jaho słoŭ, žyvioła, vielmi mocna napałochanaja, siłkujecca zbolšaha miasam i raślinnaściu.
«Praź niekalki dzion u respubliku z Maskvy pavinny pryjechać śpiecyjalisty i zabrać heta dziŭnuju žyviołu», — skazaŭ Maršani.
Sučasnaja navuka nie paćviardžaje mahčymaść isnavańnia na Ziamli śniežnaha čałavieka.