Cikavaja detal: sajt biełaruskaha RNIE byŭ stvorany za dzień da pryjezdu Fiemien-istak u Minsk?

21.12.2011 / 23:58

NN.BY

«Raźvivajecca najhrubiejšaja pravakacyja».

Cikava, što rassyłka pra źjaŭleńnie sajta, jaki nazyvaje siabie «Aficyjnym sajtam biełaruskaj rehijanalnaj arhanizacyi RNIE», była zroblena 18 śniežnia, a 19-ha adbyŭsia epatažny pierformans u Minsku. Fiemien-istki zajavili, što ich zatrymali ludzi, jakija pradstavilisia milicyjantami, pravazili noč u mašynach, a ŭranku pieradali asobam, jakija vyvieźli ich u les i ździekavalisia.

Sa słovaŭ Fiemien-istak, tyja nazyvali siabie RNIEšnikam i fatahrafavali ich hołymi sa svastykami.

Zatrymać dziaŭčat u Minsku mahli tolki pradstaŭniki adnoj ź siłavych struktur.

Źjaŭleńnie za dzień da hetych padziej sajta arhanizacyi, jakaja doŭhija hady biaździejničała, źviartaje na siabie ŭvahu.

Źviestki ab datyčnaści RNIE da vykradańnia aktyvistak Femen źjaŭlajucca pravakacyjaj, paviedamiŭ sajt RNIE-Biełaruś sa spasyłkaj na «ŭpaŭnavažanaha pradstaŭnika» hetaj niezarehistravanaj arhanizacyi, ź jakim jany skantaktavalisia. «Našy ludzi ich nie čapali, jak by kamu ni chaciełasia heta ŭjavić. Raźvivajecca najhrubiejšaja pravakacyja, a voś meta, charaktar i chto staić za hetym — my raźbiaremsia ŭ najbližejšy čas», — adznačajecca ŭ paviedamleńni.

RNIE — heta rasijskaja nieanacysckaja arhanizacyja, što ŭźnikła ŭ 1990-ch.

Jaje supołki ŭtvarylisia i ŭ Biełarusi. Adnak ich publičnaja dziejnaść zatarmaziłasia na pačatku 2000-ch paśla zabojstva lidara, Hleba Samojłava. Ličycca, što svojeasablivym instruktaram u supołkach byŭ Valeryj Ihnatovič — były bajec «Ałmaza», jakoha paśla śmierci Samojłava asudzili za šmatlikija złačynstvy. Pra arhanizacyju padrabiazna pisali na pačatku 2000-ch.

Paet Słavamir Adamovič u 1999-m pranik unutr arhanizacyi, kab zrabić pra jaje publikacyju ŭ «Našaj Nivie». Nieŭzabavie paśla toj publikacyi jaho da kryvi źbili dvoje ŭ padjeździe doma, dzie mieściłasia Redakcyja «NN». Pierad jahonym prychodam na leśvicy bačyli dziŭnaha čałavieka z pałačkaj. Paśla vidavočcy syšlisia, što heta byŭ Ihnatovič.

I ŭ Rasii, i ŭ Biełarusi arhanizacyja źmienšyła svaju aktyŭnaść u apošniaje dziesiacihodździe. U 2007-m u Homieli KDB aryštavaŭ dvuch aktyvistaŭ RNIE

i prynamsi adzin ź ich byŭ asudžany da turemnaha źniavoleńnia za prynaležnaść da niezarehistravanaj arhanizacyi.

Aktyvisty RNIE ŭ Rasii krytyčna staviacca da Pucina.

Abviaržeńnie datyčnaści RNIE da vykradańnia ŭkrainak staić — adzin ź niešmatlikich materyjałaŭ na ich biełaruskim sajcie. Dziejnaść niezarehistravanych adździaleńniaŭ zamiežnych palityčnych ci hramadskich arhanizacyj u Biełarusi zabaroniena zakonam.

Čytajcie taksama:

Kamientary da artykuła