26‑hadovy Michaił Jakaŭčuk zasudžany da aryštu na 6 miesiacaŭ pavodle abvinavačvańnia ŭ «arhanizacyi dziejnaści niezarehistravanaha hramadzkaha abjadnańnia».
Razmova idzie pra filiju «Russkoho nacionalnoho jedinstva», radykalnaj šavinistyčnaj arhanizacyi. Suprać Jakaŭčuka i jašče adnaho hamielčuka była raspačataja kryminalnaja sprava.
Hamielskaja ŭprava KDB paviedamlaje, što Jakaŭčuk, atrymaŭšy prakurorskaje papiaredžańnie ab niedapuščalnaści procipraŭnych dziejańniaŭ, hetuju dziejnaść nie spyniŭ, a naŭmysna praciahvaŭ: rabiŭ nahladnuju ahitacyju, raspaŭsiudžvaŭ drukavanuju pradukcyju, pryviezienuju z Rasiei, sprabavaŭ uciahnuć u dziejnaść arhanizacyi žycharoŭ Homiela.
Sprava suprać paplečnika Michaiła Jakaŭčuka vyłučanaja ŭ asobnuju vytvorčaść, pakolki jon chavajecca ad kryminalnaha pieraśledu i abvieščany ŭ vyšuk,–paviedamlaje «Interfaks».
Raniej pavodle hetaha ž artykuła Kryminalnaha kodeksu za arhanizacyju dziejnaści niezarehistravanaha hramadzkaha abjadnańnia byli zasudžanyja aktyvisty «Partnerstva» i «Maładoha Frontu».
Darečy, kryminalnaja sprava suprać kiraŭnikoŭ šavinistyčnaj supołki «Ruskaje nacyjanalnaje adzinstva» była raspačataja paśla zvarotu demakratyčnych aktyvistaŭ u prakuraturu j rehijanalnuju ŭpravu KDB ab tym, što ŭ abłasnym centry fasady muroŭ psujucca nahladnaj ahitacyjaj RNIE.
Radyjo «Svaboda»
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary