Hiermanija: Prysud Bialackamu — podły, ničym nie apraŭdany ŭčynak
Z takoj zajavaj vystupiŭ upaŭnavažany Fiederalnaha ŭrada Hiermanii pa pravach čałavieka Markus Leninh.
«Ja rezka asudžaju prysud, vyniesieny Alesiu Bialackamu, i patrabuju jaho nieadkładnaha vyzvaleńnia. Nie ciažka zdahadacca, što takim čynam biełaruskija ŭłady, źviartajučysia da nadumanaha kryminalnaha abvinavačvańnia, sprabujuć prymusić maŭčać aktyŭnaha pravaabaroncu. Heta — podły, ničym nie apraŭdany ŭčynak», — zajaviŭ upaŭnavažany Fiederalnaha ŭrada Hiermanii pa pravach čałavieka Markus Leninh, kamientujučy prysud Alesiu Bialackamu.
Tekst zajavy Leninha raspaŭsiudziła pasolstva Hiermanii ŭ Minsku.
«Ja patrabuju vyzvaleńnia i reabilitacyi ŭsich palitviaźniaŭ u Biełarusi, a taksama spynieńni represij u dačynieńni apazicyjnych niaŭradavych arhanizacyj i ich aktyvistaŭ», — padkreśliŭ Leninh.