Biełaruskija pramysłoŭcy bačać vyhadu ŭ intehracyi z Rasijaj
Stvareńnie chołdynhu MAZa i KamAZa pavysić kankurentazdolnaść biełaruskaj aŭtatechniki, zajaviŭ siońnia pieršy namieśnik ministra pramysłovaści Biełarusi Ivan Dziemidovič na pasiedžańni Saŭmina, čym vyklikaŭ pilnuju ŭvahu z boku premjera krainy.
U suviazi z hetym premjer M. Miaśnikovič zakłapaciŭsia, nakolki MAZ zmoža być kankurentazdolnym u dačynieńni da KamAZa va ŭmovach AEP.
«Kankurentazdolnaść adnaznačna jość. Ale ŭ dadzienaj situacyi jość adna składanaść — heta značnaja roźnica ŭ košcie enierhanośbitaŭ», — adkazaŭ Dziemidovič, adznačyŭšy, što ŭdzielnaja vaha enierhietyki ŭ sabiekošcie pradukcyi MAZa siońnia vyrasła z 9–10% da 13–14%.
Akramia taho, na MAZie vyrablajecca kala 300 tys. t stalovaha lićcia dla vytvorčaści techniki.
«Kali budziem pracavać z KamAZam, mahčyma, nam budzie vyhadna kuplać u ich enierhietyčna zatratnyja składanyja ŭstanoŭki, šasi, asobnyja vuzły pa lićci, — rastłumačyŭ namieśnik ministra. — A MAZ budzie pradavać rasijskamu pradpryjemstvu masty».
Dziemidovič nahadaŭ, što KamAZ jašče ŭ savieckija časy zabiaśpiečvaŭ lićciom uvieś aŭtapram.
Najbližejšymi dniami Biełaruś adpravić u Maskvu na pieramovy