Biełaruś pabiła suśvietny rekord pa devalvacyi
Abahnali Efiopiju 1992 hoda i Arhiencinu 2002-ha.
Biełaruskaja devalvacyja, pavodle źviestak Suśvietnaha banka, stała samaj vialikaj za 20-hadovuju suśvietnuju historyju, abahnaŭšy efiopskuju 1992 hoda i arhiencinskuju 2002 hoda,
adznačaje hazieta «Markier».
Nahadajem, što napiaredadni Nacbank ažyćciaviŭ adnamomantavuju devalvacyju biełaruskaha rubla da košyka valut na 54,42%, pry hetym z pačatku hoda kurs nacvaluty źniziŭsia na 71,62%.
Raniej suśvietnymi lidarami byli dźvie nazvanyja vyšej krainy, jakija devalvavali svaju valutu na 54%. Biełaruś užo prysutničała ŭ rejtynhu SB najbujniejšych suśvietnych devalvacyjaj z 1990 hoda. Tak, jana była lidaram u 1999 h., kali nacyjanalnaja valuta była abiasceniena na 37%.