Udzielnikaŭ akcyi na Kastryčnickaj płoščy buduć sudzić u Kołasaŭskim licei
Bolš za dva dziasiatki zatrymanych udzielnikaŭ akcyi salidarnaści z Alaksandram Kazulinym trymali try hadziny ŭ Centralnym RUUS Mienska.
Bolš za dva dziesiatki zatrymanych udzielnikaŭ akcyina Kastryčnickim placy trymali bolš za try hadziny ŭ milicyi Centralnaha rajonu Miensku.
Na lidera AHP Anatola Labiedźku skłali administracyjny pratakoł za drobnaje chulihanstva. Apazycyjanera abvinavacili ŭ parušeńni hramadzkaha paradku. Pavodle milicyjantaŭ, Anatol Labiedźka niecenzurna łajaŭsia na płoščy i ŭ časie zatrymańnia.
Milicyjanty ŭručyli palityku pozvu ŭ milicyi na 12 śniežnia, kab adtul advieści ŭ sud.
Aktyvistaŭ niezarehistravanaj arhanizacyi «Małady front» Aleha Korbana, Uładzimiera Siarhiejeva, Źmitra Chviedaruka i Alaksandra Iŭleva taksama abvinavacili ŭ drobnym chulihanstvie. Ale chłopcy noč da sudu praviali ŭ turmie na vulicy Akreścina. U paniadziełak ich buduć sudzić u sudzie Centralnaha rajonu, jakija ciapier mieścicca ŭ budynku źlikvidavanaha ŭładami Nacyjanalnaha humanitarnaha liceju imia Jakuba Kołasa (vuł. Kirava, 21).
Supracoŭniki milicyi pierapisali pašpartnyja źviestki astatnich 20 zatrymanych udzielnikaŭ akcyi i ŭsich adpuścili.