Łatvija suprać ekanamičnych sankcyj da Biełarusi
Uviadzieńnie ekanamičnych sankcyj ES u dačynieńni da Biełarusi nie daść žadanaha vyniku, miarkuje ministr zamiežnych spraŭ Łatvii Hirts Vałdzis Krystoŭskis. Takuju dumku jon vykazaŭ 11 studzienia ŭ intervju łatvijskamuinternet-partału TVNET.
«Ja miarkuju, uviadzieńnie ekanamičnych sankcyj nie daść žadanaha vyniku. Što tyčycca bolš žorstkich vizavych sankcyj, to ich varta abmierkavać, uzvažyŭšy ŭsie „za“ i „suprać“. Liču, što bolš žorstki vizavy režym u dačynieńni da Łukašenki i biełaruskich palitykaŭ nie vyklučany», — zajaviŭ Krystoŭskis.
Kiraŭnik MZS Łatvii zaznačyŭ, što zatrymańnie ŭ Minsku pradstaŭnikoŭ apazicyi pierapyniła praces supracoŭnictva pamiž ES i Biełaruśsiu, jaki raźvivaŭsia ŭ apošnija hady.
Pavodle słoŭ Krystoŭskisa, Łatvija budzie farmulavać svaju dumku ŭ dačynieńni da sankcyj suprać Biełarusi ŭ miežach ahulnaj pazicyi ES.