U Ščomyślicy pad Minskam pabudujuć stadyjon na 30 tys. miescaŭ
Novy futbolny stadyjon na 30 tysiač miescaŭ płanujecca pabudavać u minskim mikrarajonie Ščomyślica. Pra heta paviedamiŭ staršynia Minharvykankama Mikałaj Ładućka. Mikrarajon Ščomyślica pačnuć uzvodzić za MKAD ŭ 2011 hodzie.Rajon-novabudoŭla budzie raźličany na 50 tysiač čałaviek.
«U Ščomyślicy my zapłanavali budaŭnictva novaha nacyjanalnaha futbolnaha stadyjona na 30 tysiač miescaŭ z mahčymaściu transfarmacyi da 40 tysiač miescaŭ. Heta nie buduć pramyja srodki haradskoha biudžetu. Budziem brać kredyt, chutčej za ŭsio, u niamieckim banku».
Pobač sa stadyjonam płanujecca pabudavać Nacyjanalny vystavačny centr, bo mahčymaści dziejučych vystavačnych centraŭ pa praviadzieńni mierapryjemstvaŭ abmiežavanyja.