Tramp ličyć, što maje prava bałatavacca treci raz
«Bo vyniki vybaraŭ 2020 hoda byli sfalsifikavanyja».
Fota: Andrew Harnik / Getty Images
Tramp ličyć, što maje prava bałatavacca na pasadu prezidenta ŭ treci raz. Pra heta prezident ZŠA skazaŭ padčas mierapryjemstva ŭ štacie Ajova.
Pavodle jaho słoŭ, jon «maje prava bałatavacca znoŭ», bo vybary 2020 hoda «sfalsifikavali».
U toj ža čas jon pryznaŭ, što zakon, vierahodna, zabaraniaje jamu heta rabić: «Ja nie na 100% upeŭnieny, ale dumaju, što zakon kaža, što mnie nie dazvolena bałatavacca znoŭ».
22‑ia papraŭka da Kanstytucyi, pryniataja ŭ 1951 hodzie zabaraniaje bałatavacca bolš za dva razy. Jana była pryniataja paśla taho, jak Franklin Ruźvielt čatyry razy vyjhravaŭ vybary.
Nastupnyja prezidenckija vybary projduć u ZŠA praz dva hady, u listapadzie 2028 hoda. Praz dva tydni, 3 listapada 2026 hoda, projduć tak zvanyja pramiežkavyja vybary: vybary ŭ Kanhres i vybary hubiernataraŭ.