Zialenski: Balistyka ŭ Biełarusi stanie pahrozaj dla zachadu Ukrainy
«Rasii patrebnaja padtrymka Łukašenki», — miarkuje prezident Ukrainy.
AP Photo/Stefan Jeremiah
Uładzimir Zialenski siońnia parazvažaŭ na temu, ci jość pahroza ŭdaraŭ i pavieličeńnia kolkaści atak na zachodniuju častku Ukrainy.
«Biezumoŭna. Ci rychtujecca da hetaha Rasija? Dumaju, tak». — adkazaŭ jon.
«Rasii patrebnaja padtrymka Łukašenki, kab na terytoryi Biełarusi byli raźmieščanyja inšyja vidy ŭzbrajeńniaŭ, u tym liku balistyčnyja rakiety. Balistyka ŭ Biełarusi stanie pahrozaj najpierš dla zachodniaj častki Ukrainy», — skazaŭ Zialenski.
Jon taksama miarkuje, što źniaćcie sankcyj z Rasii budzie praciahvacca, i ździełka pa dyzielnym palivie — heta pieršy krok.
Rašeńnie admianić sankcyi Hrema, na jaho dumku, niapravilnaje i dakładna dapamahaje tolki rasijanam i heta nie spyniaje vajnu.
«Pucin choča źniščeńnia Ukrainy, jamu budzie niedastatkova navat kapitulacyi. Ale i kapitulavać jamu nichto nie daść, i našu dziaržavu nichto nie addaść», — padkreśliŭ Uładzimir Zialenski.