Зяленскі: Балістыка ў Беларусі стане пагрозай для захаду Украіны
«Расіі патрэбная падтрымка Лукашэнкі», — мяркуе прэзідэнт Украіны.
AP Photo/Stefan Jeremiah
Уладзімір Зяленскі сёння паразважаў на тэму, ці ёсць пагроза ўдараў і павелічэння колькасці атак на заходнюю частку Украіны.
«Безумоўна. Ці рыхтуецца да гэтага Расія? Думаю, так». — адказаў ён.
«Расіі патрэбная падтрымка Лукашэнкі, каб на тэрыторыі Беларусі былі размешчаныя іншыя віды ўзбраенняў, у тым ліку балістычныя ракеты. Балістыка ў Беларусі стане пагрозай найперш для заходняй часткі Украіны», — сказаў Зяленскі.
Ён таксама мяркуе, што зняцце санкцый з Расіі будзе працягвацца, і здзелка па дызельным паліве — гэта першы крок.
Рашэнне адмяніць санкцыі Грэма, на яго думку, няправільнае і дакладна дапамагае толькі расіянам і гэта не спыняе вайну.
«Пуцін хоча знішчэння Украіны, яму будзе недастаткова нават капітуляцыі. Але і капітуляваць яму ніхто не дасць, і нашу дзяржаву ніхто не аддасць», — падкрэсліў Уладзімір Зяленскі.